邵子風《發噏風》
主持：邵子風、Eugene Lui
嘉賓：陳逸寧 （Isabel Chan）
近期有份主演賀歲片《恭喜八婆》的陳逸寧，被稱彭浩翔御用演員的她，在節目中大爆拍攝秘聞，導演每日「飛紙仔」如考試般；更笑指當年拍《破事兒》被陳奕迅、杜汶澤和導演彭浩翔一班男人圍住聽他們說鹹濕笑話。
被稱彭浩翔御用演員的陳逸寧，她指︰「係緣份，第一次拍佢嘅戲《破事兒》，嗰次有Eason（陳奕迅）、杜汶澤同導演，被男人圍住，講啲令我尷尬嘅嘢。」邵子風直言︰「鹹濕笑話嘢？」陳逸寧笑指︰「當時部戲係呢方面，講都好合理，只有Eason冇講。」
說到新戲《恭》片，陳逸寧笑言︰「我人生中第一次包場同朋友一齊睇。」由於該片去年9月底導演才計劃開拍，並於10月正式開機，拍攝期只有10多天，她說︰「當時問過導演結局係點？導演話︰『呢啲咁遠嘅嘢唔好問我，聽日嘅嘢我都未諗掂。』」邵子風問她︰「即係飛紙仔？」陳逸寧答道︰「其實係，每日都係咁，好似考試咁。導演成日話︰『唔好再逼我』，好彩佢同大家熟，寫到我哋啱講嘅嘢。」她指導演拍該片時，難得零粗口。已婚的她笑指和老公有共識，更直言︰「除咗露點之外，乜都會做。」
Search